ეკა-კოკა

ეკა

ბოლო დროს ბევრს ვფიქრობ ამაზე: მე არ მიყვარს ჩემი თვალები, რადგან შესაძლოა ისინი დაბრმავდნენ; არ მიყვარს ჩემი ტუჩები, რადგან ერთ დღესაც ისინი დაჭკნებიან და სევდას მომგვრიან. არ მიყვარს ჩემი ძუძუები, რადგან შესაძლოა, მათ უკურნებელი სენი შეეყაროთ და...არ მიყვარს ჩემი მკლავები, ფეხები, თეძოები, წელი, რადგან მათ სიბერე დააუძლურებს და მე უზარმაზარ სევდას მომგვრიან. არ მიყვარს ჩემი სხეული, რადგან ის არაფერია სულის გარეშე. სული მიყვარს, გზა ღმერთისაკენ. ვინც ჩემს სხეულს შეიყვარებს, მას სიკვდილი ეყვარება, მაგრამ ვინც ჩემს სულს შეიყვარებს, მარადისობა ეყვარება. მე შენი სულიც მიყვარს. მას სულ ვგრძნობ. ნახე, რა მაგარი თქმაა: სულ ვგრძნობ, ანუ მარადისობის საგრძნობით, სულით ვგრძნობ. მე არც შენი სხეული არ მიყვარს, რადგან მე ვეტრფი სიცოცხლეს და მინდა, ღმერთთან ვიყო ახლოს, როგორც დედასთან. ახლა დედასთან მივდივარ და მიხარია, რადგან დედაჩემი სხეულით კი არა, სულით მიყვარს. მაპატიე, თუ აგაფორიაქე და საქმეს მოგწყვიტე. ამქვეყნად ბევრი არ არიან ისინი, ვისაც ჩემი ესმით. მგონი, შენ ძალიან გესმის.

კოკა (არა-sms-ური პასუხი)

ძალიან საინტერესოა. ზუსტად რომ, სულისა და ხორციელების ურთიერთმიმართების მხრივაც.
ამავე დროს, გა-ნათლ-ებ-ული და არა ბრმა სახით ღმერთისადმი მიყოლის შესახებაცაა თქმული ამ დიდი ქალბატონის ცხოვრებაში.

http://krotov.info/yakov/6_bios/48/1582_tereza_avil.htm

ჯერ მე თვითონ უნდა ჩავიკითხო, მაგრამ მაინც მოგაწვდი:

http://krotov.info/spravki/persons/16person/1542huan.html

სხვა თუ არაფერი, ადამის დაცემიდან დღესამომდე სულისა და ხორცის ჰარმონიული ურთიერთმიმართების უდიდესი მაგალითი არის თვითონ მარიამ ღვთისმშობელი, რომელიც ისტორიის ყველაზე დიდი დედა-კაცია და ხორციელების უარყოფით კი არ ამაღლებულა ზეცაში, არამედ სწორედაც რომ, გასულიერებული ხორცით მოხდა ჩვენი შემწე დედოფლის ცაში დამკვიდრება. ეს ძალიან მნიშვნელოვანი მომენტია, რომლის უგულვებელყოფას სავალალო შედეგებამდე და ჩიხამდე მივყავართ, რადგან მართალია, სულიერება ხორციელებაზე უზომოდ უფრო მაღლა დგას, მაგრამ მეორე პირველისთვის ღმერთამდე ასვლის „მასალაა“, როცა ხდება თვითონ ხორცის გასულიერება; ანუ ვიმყოფებით რა ცოდვითდაცემისაგან გამოწვეულ ხორციელად დამძიმებულ სამყაროში, ჩვენით ვერანაირად ვერ მივაღწევთ სულიერ სიმაღლეებს, თუკი არ გავითვალისწინებთ, არ შევიცნობთ და არ დავძლევთ ხორციელ განზომილებას. ეს კი სხვაგვარად არანაირად არ მოხდება, თუ არა სიყვარულზე დაფუძნებული გა-ნათლ-ებით, რომელიც გარკვეულ ეტაპზე გულთან თანამოღვაწე გონებასაც მოითხოვს, რათა თავისი წილი შეიტანოს ჩვენი ხსნის გზაზე. როდესაც ჩვენი მაცხოვარი, უფალი იესო ქრისტე არათუ მოყვასის, არამედ მტრის სიყვარულს ქადაგებს, თუ იგივე შინაგანი მდგომარეობით არ განვეწყვე ყველაფრის მიმართ, რატომ უნდა იყოს რაიმე გამონაკლისი? სიყვარული არ ნიშნავს თვალის დახუჭვას, სიბრმავეს, ან რამის აუცილებლად მიღება-არმიღებას. სიყვარული ყველაფრის თავის ადგილზე დაყენებას და ყველაფრისათვის თავისი კუთვნილი სახელის რქმევას ნიშნავს. ამიტომაა სიყვარული სიბრძნეც, სინათლეც, ჭეშმარიტებაც, ჰარმონიაც, სიცოცხლეც, სიმტკიცეც, სი-კეთ-ეც და ბედნიერებაც.
ერთი კუთხიდან უკვე შეხედე ღმერთამდე მიმავალ გზაზე სულისა და ხორცის ურთიერთმიმართების საკითხს. ამბობ, რომ არ გიყვარს ხორციელების ეს და ეს, რადგან ეს და ეს მოუვათ და წარმავალნი არიან. ამიტომ, ეტრფი სულს, რადგან წარუვალია.
ახლა, შეეცადე მეორე მხრიდანაც შეხედო იგივე საკითხს. საინტერესოა, რასაც დაინახავ. მაგალითად: რომ მაინც დიდი სიყვარული გაქვს არა მარტო ხორცის ამა თუ იმ ნაწილის ჭკნობის მიუხედაობისა, არამედ ზუსტად რომ, ამ ყოველივეს გათვალისწინებითაც: და რომ ამ უკანასკნელიდან გამომდინარე, სული განუზომლად კიდევ უფრო მეტად გიყვარს. ეს არაა ორი უფლის სიყვარული, არამედ ორივე თვისობრიობის ერთმანეთში ჰარმონიული თანამოღვაწება და შეხამებაა, რათა უფლისაკენ მიმავალ ბილიკზე ერთ მთლიანობად იქცეს და უფრო მაღალ მდგომარეობაში გადავიდეს, გარდა-ი-ცვალ-ოს. ანუ ორივე შემთხვევაში გვაქვს მხოლოდ ნათელი, გააზრებული სიყვარული: სიყვარული, რომელიც ყველაფერზე იმდენად მაღლა დგას, რომ თავის საოცარ ბრძმედში ნებისმიერ რამეს მზიურ პლაზმად აქცევს. იგივე ნაკლებად კეთილშობილური ლითონების კეთილშობილურ ლითონებად ქცევის ალქიმიური სიმბოლო აიღე. ჩვენ რომ უკვე ვიყოთ ოქროები, ოქროდქცევის პრობლემა არ შეგვაწუხებდა. და რადგანაც ჩვენი პიროვნების ღვთით გამზიურებამდე ბლომად სავალი გზა გვაქვს, ნაკლებად კეთილშობილური ლითონების ოქროდქცევა შემთხვევით მოვლენას არ წარმოადგენს. ამად, განა ერთ და მეორე შემთხვევაში სიყვარულის მყოფობა მეტი და უკეთესი არაა, ვიდრე ერთის სიყვარულით მეორის გამორიცხვა? მესმის, სულის სიყვარული ხორცზე მაღლდებოდეს და მატერიასაც კი წმინდა სამებასთან შერწყმის გზას ამსახურებდეს, მაგრამ ერთი გიყვარდეს და მეორეს გამორიცხავდე, მცდარად მიმაჩნია და ჩიხში შემავალად. უდიდესი წმინდა მამების გულისხმიერად ამოკითხული ცხოვრება და ნააზრევი მაძლევს ამის თქმის საშუალებას.
ვინც ხორციელებას არჩევს სულიერებას, ის საკუთარ თავს ატყუებს და ღუპავს. კიდევ უარესი, თუკი პირველი უყვარს და მეორეს გამორიცხავს.
ვინც სულიერებას არჩევს ხორციელებას და ამ უკანასკნელზე მაღლდება, მართალი ადამიანია, მაგრამ ცდება და ჩიხში შედის ის, ვინც სულიერების სიყვარულს ხორცის უგულვებელყოფაზე აფუძნებს. სულიერების სიყვარული ღმერთის ტრფიალით უნდა იწყებოდეს და არა ხორცის უგულვებელყოფით. არსობრივად სრულიად სხვა და სხვა რამეა.
კიდევ ერთხელ ვიმეორებ: სული მეტია ხორცზე, რაც არ ნიშნავს ხორცის ბრმა უარყოფას, არამედ მასზე სულის ისეთ უფლობას, როცა ქვენა ბუნებაც კი მიმართულია ზებუნებრივში შერწყმისაკენ და ამ უკანასკნელამდე მისაღწევ საწვავს წარმოადგენს. ხოლო როცა საწვავი იწვის, ცეცხლი მას წურავს და ენერგიად აქცევს, რაც ერთი მატერიალური მდგომარეობიდან უფრო მაღალ მდგომარეობაში გადასვლაა. სხვათა შორის, მეცნიერულადაც საინტერესოა.
„ხორცის“ შესახებ, რომელსაც გაცილებით უფრო ღრმა სულიერი გაგება გააჩნია, ვიდრე ეს შეიძლება ერთი შეხედვით ჩანდეს, ცალკე მოგწერ კიდევ. ოღონდ ახლა-არა.
არ მინდა, გეგონოს, თითქოს, ამ ყველაფერს მიტომ გეუბნები, რომ თავი ძალიან მცოდნე მგონია. უბრალოდ, ასე ვხედავ ზემოთქმულს.
გკოცნი და გაგიმარჯოს.

ეკუნა-კოკა-ეკუნა

ეკუნა:
-ვიმედოვნებ, გამოცდა ჩააბარე. თუ არ გინდა, ზრდილობის გამო ნუ მიპასუხებ.

კოკა:
-რომ არ მოგწერო, არც შენ გეამება და არც მე-ამად, ზრდილობის გამო არ გეხმაურები. შენ ბავშვი მიწოდე და ჩემი შენდამი დამოკიდებულებისგან განსხვავებით, ალბათ, უფრო ასეთი გგონივარ. დიახ, ბავშვი-ც ვარ და ეს დიდებულია, მაგრამ მხოლოდ ასე რომ იყოს, გული უნდა მომსვლოდა. თუმცა, ამას და ასე არ იწერება, ვინც ოდენ ბავშვია. გუშინწინდელი ცალმხრივი უალალობა არ მომეწონა. და ეს ყოველი, რათა ვიღაც სხვა და სხვანაირი არ გეგონო. გამოცდამ მშვენივრად ჩაიარა და ხვალ მეორეა.

ეკუნა:
-მე ზუსტად ის და ისეთი მგონიხარ, როგორიც ხარ და სწორედ, ასეთი ხარ მისაღები ნებისმიერი ფორმის ურთიერთობისთვის და არაფერი არ მინდა შენთვის სიკეთის გარდა. დანარჩენი შენ იცი, კოკ. ღმერთმა ყველაფერში ხელი მოგიმართოს. ძალიან გამეხარდება. ვიმედოვნებ, ეგ უსაგნო წყენაც გაგივლის. წამატებებს გისურვებ გამოცდებზე. კეთილად იყავი.

ნინო

გულისთქმას მივყვები და არ ვიცი, სად მიმიყვანს. ადამიანთა უმრავლესობა ხომ მომავლისკენ შიშით იხედება და ავიწყდებათ, რომ სიცოცხლე კი აქ, აწმყოშია. მერე კი გამოდის, რომ ადამიანები არც აწმყოში ცხოვრობენ, არც მომავალი აქვთ. ბედნიერება კი განგებას მხოლოდ მამაცებისთვის მოაქვს...

სმს-აჯაბსანდალი :)

ბადრიჯანი გავთალოთ, დავჭრათ და დავამარილოთ ნახევარი საათი. ხახვი, სტაფილო, ბულგარული ერთად მოვთუშოთ. როცა მზად იქნება, დავაყაროთ ნიორი, პომიდორი და მივაშუშოთ.

ცალკე მოვშუშოთ წყალგავლებული და გაწურული ბადრიჯანი. როცა მზად იქნება, ჩავაყაროთ წვრილად დაჭრილი მწვანილები, შევურიოთ ყველაფერი ერთმანეთს

ვაჰ, დრონი, დრონი :)

კოკიტელა, დღეს დამირეკა დათო ოთხოზორიამ. ძალიან გამახარა. შენც მოგიკითხა :) ისევ ისეთი ხუმარაა :)

ვაინახი ვაშასაგან ინგუშეთიდან

Carissimo, come va, tutto ok? Qui tutto procede bene, a parte che da 4 giorni ho preso una brutta influenza con mal di gola terribile. Un'abbraccio, Ilez. P.S. Mi saluti i nostri comuni amici

ეკუნა ლომიძისაგან

საყვარელო და ყელჩასა-კოკ-ლოზინებელო, ახლახან მოვედი ინტერვიუდან. ვინახულე 101 წლის ქალი და კიდევ ერთხელ დავრწმუნდი, რომ ცხოვრება მშვენიერია. მთავარია, არ დანებდე დროს და გული სიყვარულით გქონდეს სავსე.

Котюне

Ночью луна, днём-солнышко. Так что, добрый день, солнышко.

დაია ძამიას L'Amour-ზე

ვერა:
-კოკიტელა, შენი სატრფო ვნახე. ცხოვრებაში უკეთესია. როგორც კი ვნახე, ვიცანი და ძალიან მომეწონა.

კოკა:
-სხვა შემთხვევაში შეგეკითხებოდი, სად, როგორ, როდის და ალბათ, უფრო მეტსაც, მაგრამ ჯერ კიდევ თბილისში ყოფნისას დავუსვი მასთან ურთიერთობას წერტილი.

ვერა:
-ეს რომ მცოდნოდა, არაფერს გეტყოდი. რკინიგზელთა კულტურის სახლთან ვნახე. საცეკვაო ფორმაში.

ლიგია ილოცება და კითხულობს :)

გაიხარე, ჩემო კარგო. ისეთი ნათელი შემოსულიყოს შენს გულში, რომ სულ მარადმწვანე ხეებს და ჯეჯილს ეხაროთ და არასდროს დამჭკნარ-წაქცეულიყვნენ. ჰა, კიდევ ვარ 150 სკამიდან ნახტომში? :) ტკბილი ძილი შენც და დავიძინეეეე

ლიგიას დარდები :)

რა სახინკლე აგიტყდათ ამ შუა მარხვაში? კაცების მოფიქრებულია, როგორ ეტყობა

გაჭიანურებული საიტალიო მგზავრობის შემდეგ

დილამშვიდობისელა, კოკიტელა. უხ, რამდენი ვინერვიულეთელა გუშინელა. შენი ოთახი არ დაგვილაგებიელა, დედა გელოდებოდაელა. მადლობელა ღმერთსელა, რომ მშვიდობით ჩახვედიელა.

ხატულა, Let's Study Margaliuri :)

კოკაია, ჩაო! მუჭო რექ? მუს ორთუქ ჭუმე? ფრანგული გვაქვს 10:30-ზე. მოულ?

დაიელლა-ძამიელლა

ვერიკელლა, დილა მშვიდობისელლა:) საათელლა გიყიდელლა

პასუხი

ვაიმელა, დიდი მადლობელა:)

დილა მშვიდობისელა, კოკიტელა:) შენმა ესემესელამ გამაღვიძელა. შენ ამ დილაუთენელა რატომ არ გძინავსელა?

ინანას

სატრფო ის წიგნია, რომელშიც ღმერთი იკითხება, მიჯნურის თვალები და სული კი მისი სათაურია. ისევ ის პარასკევი საღამო და შენს თვალებში ჩახედვა. ვუფიქრდები და ასეა.

ინანას

ჩვენი ერთობა მთვარის სონატაა. თქვენი მეგრული კი ბეთჰოვენის მთვარის სონატის შინაარსზე უფრო მეტია, თეთრი და ვარდისფერი მთვარე-მანდილოსნებითა და კოლხი ვესტალებით

ინანას

ახლა თუ მერე, ცოტას მაინც იღიმები მზიანად. გულში მაინც. სულში მაინც. სადმე მაინც. სულ სულ არა?:) სულ სულ სულ? ერთი ცეროდენაც?:) რატომ იღიმები?:))) მეც...

ინანას

ეგვიპტელებს ბედნიერების აღმნიშვნელ სავსე გულისათვის სიყვარულით სასულის გამოფეთქებაც რომ დაემატებინათ, წინწაწეული ნაბიჯი იქნებოდა... ელინებს კი, თუკი გულს ღმერთების ბჭეს უწოდებდნენ, მასში სიყვარულის მოძალებისათვის ღმერთის მოძალება უნდა დაერქმიათ... ზეადამიანობაა ორივეს გაძლება... გენაცვალე

ინანას

გულის თვალით ვეხებით ჭეშმარიტებას, გონების თვალით კი ოდენ ვჭვრეტთ მას. სიყვარული გულის ხედვაა-გხედავ, გგრძნობ და შენი სული ცხადია ჩემთვის. მითუმეტეს, მას შემდეგ, რაც მთვარის, ზღვის და თაფლისფერ შინაგან სამყაროს სარკეებში ჩაგხედე იმ პარასკევ საღამოს. ყველაფერი ძალიან კარგად მახსოვს, რომ იცოდე...

ლელას :)

ჯიჯ, ქორექო შურო ცოცხალ?:) მარაშ ბოლოს ნეტის იპუაფუქ დო იმენდ მიღ, ქორძირ-და, დიბრაგადუანთ აკა:) Made in მარგალურ სმს:)

პასუხი :)

დითა, სი ქორექ, ნანა, ცოცხალი და, მა ქუვორექ. სო დინი, ბოი?

ინანას

კიდევ ერთხელ გენაცვალე იმ გამთვარულ ღიმილსა და კოპების შეკვრაში და შევყევი კუდიგორის გზას. აი, ასეთი გულის საღამოს გისურვებ.

ინანას

ჩემი გულთბილი და სულტკბილი ზღვა ხარ-და არა მარტო თქმით, არამედ შინაგანად და ღრმა შეგრძნებით-ესე იგი, ცხადადაც...

ინანას

ინანა სხვაა... მთვარეა, ზღვაა,
დუმუზი მზეა, აის-დაისი.
ციურის წყალში ჩაძირვა ღრმაა-
იდუმალება ღამით გაისმის.

ინანას

და ვის ეყვარები ხანშიშესული მშვენიერი ანა ლამაზ ჭაბუკა ანაზე უფრო მეტად?:) ჯერ კიდევ ბრძენი მუჰამმად ამბობდა, რომ კარგად დასმული კითხვა პასუხის ნახევარიაო:)

ინანას

ღამეა. ბნელა. მზე თბილ მუსიკას ბადებს საკუთარ თავში: ნელ, ჩუმ, მშვიდ და ცისკენ ყელმოღერებულ მუსიკას; ღამეს კი საბნად იხურავს ტანზე...

ინანას

კიდევ ის, რომ სადაც ხასხასა, მაგრამ თბილი ყვითელი ფერისა და ზღვისფერი ლურჯის ურთიერთშეხამებას ვხედავ, შენ ხარ იქ

ინანას

სულიერი მეგობრობა და ერთმანეთის ანდროგინული ნახევრობა ისიც არაა, ნებისმიერი მიმართულებით და ნებისმიერად რომ იარო, მაინც იმ ადამიანამდე მიდიოდე? რას იტყვი?

ინანას

ირმის ბუსკა თვალები (სული), გრუზა თმები (ქალურობა), სახესავსე (მთვარე), მაღალი ნუკრა ყელი (სიტკბო)-მარტო ამის გამო შეგიყვარებდა ადამიანი, სხვა რომ არა ვთქვა

ინანას

ზღვა მზის სითბოს წყაროა.... მზე-ზღვის ძალა და სიცოცხლე...

ინანას

არა, მითხარი: ამ ღამით, შუა წვიმაში რომელი გადარეული შეგატყობინებს, რომ მთვარე პირს იბანს?!:)

* * *

ღრუბლები ინანას პირსახოცია, წვიმის თქეში კი-ციური შხაპი... ინანურ ღამეს გისურვებ, ინ-ანავ ჩემო

მწვანილი :)

ისპანახი წამოვადუღოთ და გავწუროთ. ჭინჭარი ცოტა ხანი ვადუღოთ და გავწუროთ. გავატაროთ. ასევე, ხახვი, ნიორი, წიწაკა, ცოცხალი ქინძი,
...
შეიძლება ცოტა ნიახური, პრასი, მარილი გემოვნებით. 1 კგ პროდუქტს ეყოფა 200 გრ ნიგოზი, ან თხილი

კოკას

გაგიმარჯოს, ჯიმაია. სულ შენს ხსენებაში ვართ. მამა ამბობს, რომ ჩამოსვლის დღეს "პლაკატები"-თა და ოვაციებით დავხვდებითო :-)

ინანას

და შენ იყო თამარ დედოფლის დარბაზის ჭაღი, ცოტათი მაინც თუ არ გაიღიმო ახლა:)) აი, მასე:)) გენაცვალე:) ანუ სად იყავ "დო სიხ პორ?":) ბიჯო ბიჯოოო არა?:)

ინანას

როცა მზე ზღვაში ეშვება, სიყვარულის უღრმესი გამოხატულებაა... ამ შინა-არსს ჰერმან ჰესსე "სიყვარულის ჩუქურთმა"-ს უწოდებდა. შენ ზღვა ხარ, ...

ინანას

ნაცრისფერი ამინდია... მშვენიერ განწყობაზე ვარ... მე-ნატრ-ები...
- - -
შენ რა მოსანატრი ხარ?.. ან მე სად ვიცი მონატრება?.. მაგრამ მაინც...:))

ინანას

აგერ ბომბორა კატა მაურა მაჩვენებს, რომ კატისა და ცეკვა ქართულში ქალის ქცევა გარკვეულწილად ერთნაირია: მიახლოვდება, უნდა მოფერება, ვითომ არ იმჩნევს და მემალება-მეპრანჭება:) მერე ისევ მოდის და თვალებით მეუბნება თითქოს: ჰე ახლა, მიმიხვდიო ბოლოს და ბოლოს :) მიაუო:) ვეფერები და დასაბმელი გახდება ახლა :)

ინანას

ძირს ინტელექტუალური, გვალვიანი, სტატიური, მკვდარი და მოსაწყენი მეგობრობა... გაუმარჯოს გულისმიერი, ცოცხალი, მოძრავი, მზიური და შემოქმედებითი მეგობრობის პოეზიას;)

ინანას

რა სასაცილოა გასაღვიძებლად ვიბრაციაზე დაყენებული მობილი:) თითქოს გაბუშტულიაო, გაბრაზებული არ გეშვება და არ ცხრება "ადექი" "ადექი"-ს ძახილით, გეჯუჯღუნება

ინანას

ღამეა, ჩახჩახა მთვარე, მზეკაცი თავისხელა წითელ გულს თეთრი მთის აღმართზე აწვება-აგორებს. კარგი დასახატი იდეა ფიქსია. შენ ხატავ, მე კი სხვანაირად უნდა მოვაბა თავი.

ინანას

"ჰმ" გამომეტყველებასა და აწკიპულ წარბებს გაფიცებ :)) ბევრი მზე შენ

ინანას

დედის თვალებს ჩახედე-ნახავ, სიყვარულს გეუბნებიან. იმ საღამოს შენი თვალები და მზერა მთელი შეხვედრის განმავლობაში ერთი დიდი კითხვა იყო, თითქოს მეკითხებოდი: მე ვიყავი ის თუ არა. შენი კითხვაც ამის დასტური იყო, მაგრამ სინამდვილეში ახლაც არ იცი პასუხი. რომ მოვალ, გაცოდინებ. ბევრი მზე შენ გულს დღეს და სულ

ინანას

ვაიი..:)! შენ მოგწერე თუ არა, უცებ სმს მოვიდა. იმ 1 წამში სიხარულით ჭკუიდან გადაცდომას ბევრი არ მიკლდა იმის გაფიქრებით, რომ შენ შეიძლება ყოფილიყავ. დავტაცე მობილს ხელი და... "თქვენი ანგარიში იწურებაო"-ს სმს არ ყოფილა?...:) მერე რა, რომ ინფანტილური ვარ? შენ ხომ ჩემი სიყვარული ხარ და მე ღმერთი შენით და ამისაგან.